چینائی میں یکروزہ نیشنل سیمینار - بعنوان: "اردو اور ہندی ناولوں میں جدید سماج کے مسائل"بتاریخ 29/ اگست 2017ء
جسٹس بشیر احمد سعید کالج چینائی کے سیمینار کےشرکا
پروفیسر مظفر علی شہہ میری وائس چانسلر ڈاکٹر عبد الحق اردو یونیورسٹی کرنول سیمینار کا افتتاح کرتے ہوئے
ڈاکٹر قاضی حبیب احمد صاحب صدر شعبۂ اردو، عربی و فارسی، مدراس یونیورسٹی چینائی اختتامی اجلاس میں خطبہ صدارت پیش کرتے ہوئے
جسٹس بشیر احمد سعید کالج برائے خواتین، تائنام پیٹھ، چینائی میں اردو اور ہندی کا مشترکہ یکروزہ نیشنل سیمینار - بعنوان: "اردو اور ہندی ناولوں میں جدید سماج کے مسائل" بتاریخ 29/ اگست 2017ء
افتتاحی اجلاس میں پروفیسر مظفر علی شہہ میری صاحب، وائس چانسلر ڈاکٹر عبد الحق اردو یونیورسٹی، کرنول نے سیمینار کا افتتاح کیا- پروفیسر شاہ الحمید نے افتتاحی تقریر کی، پھر ایک کتاب کی رسمِ رونمائی ہوئی
مقالات کی پیشکش کے دو سیشن منعقد ہوئے- ہر دو نشست میں بالترتیب اردو اور ہندی کے مقالے پیش کئے گئے-
پہلے سیشن کی صدارت ڈاکٹر نظیم بیگم (ایسو سی ایٹ پروفیسر، دکشھن بھارت ہندی پرچار سبھا، چینائی)اور ڈاکٹر عطا اللہ خان سنجری (شعبۂ اردو، سنسکرت یونیورسٹی، کوئی لانڈی، کیرلا) نے کی۔ دوسرے سیشن کی صدارت ڈاکٹر این .جئے شری (دکشھن بھارت ہندی پرچار سبھا، چینائی)اور جناب محمود شاہدکڈپوی (ڈائریکٹر، وسیلہ چینل)نے کی۔
مقالہ نگاروں میں جناب محمود شاہد کڈپوی، ڈاکٹر شفیع اللہ، ڈاکٹر شیخ فاروق باشاعمری، ڈاکٹر نثار احمد، ڈاکٹر سید وصی اللہ بختیاری عمری، ڈاکٹر شمس اختر، ڈاکٹر امان اللہ، ڈاکٹر زینب بی، ڈاکٹر ایس۔ محمد یاسر، شری منی کنڈن، محترمہ انیسہ بیگم، ڈاکٹر چکرورتی، ڈاکٹر ہرشالتا شا، محترمہ نادرہ بیگم، ڈاکٹر وجیہ لکشمی، پروفیسر تنویر احمد، ڈاکٹر ایم۔ اندرا، ڈاکٹر سفرمّا، جناب عارف اللہ، جناب غیاث احمد، جناب مدثر، ڈاکٹر کمار ابھیشیک، محترمہ زیب النسا بیگم وغیرہ شامل ہیں،
اردو اور ہندی ناولوں میں سماجی مسائل کی پیش کش پر مختلف ناول نگاروں کے حوالے سے مذاکرہ ہوا۔ مختلف مقالات پر تبادلۂ خیال اور سوال و جواب کا سلسلہ چلتا رہا۔اردو اور ہندی دونوں شعبوں کے درمیان‘ باہمی تبادلۂ خیال فائدہ مند ثابت ہوا۔ ہندی کے مقالہ نگاروں میں بہار، بنارس ، ترچناپلی اور اردو کے مقالہ نگاروں میں رائے چوٹی، کڈپہ، تروپتی، میل وشارم ، وانم باڑی اور دیگر مقامات کی نمائندگی مقالہ نگاروں نے کی۔ چینائی اوردیگر مختلف مقامات کے مقالہ نگار شامل تھے۔ یہ جان کر اچھا لگا کہ چینائی کے بہت سے کالجوں میں ہندی پڑھائی جاتی ہے۔
اختتامی اجلاس کی صدارت پروفیسر قاضی حبیب احمد صاحب، صدرِ شعبہ عربی، فارسی و اردو، مدراس یونیورسٹی،چینائی چینائی نے فرمائی اور اختتامی خطاب کیا-
ڈاکٹر بشیرہ سلطانہ (صدرِ شعبہ اردو) اور ڈاکٹر شیرین بانو (صدر شعبہ ہندی) اور دیگر منتظمین کی خدمت میں پُر خلوص مبارکباد
